Қарағанды облысының оқу-әдістемелік орталығының кестесіне сәйкес 2022 жылдың 31 қазаны мен 06 қарашасы аралығында мектеп оқушыларының күзгі демалыс уақытында 9 сынып оқушылары арасында Қазтұтынуодағы ҚарУ экономика, бизнес және құқық колледжінің оқытушылары кәсіби сынамалар ұйымдастырды.
Қарағанды қаласының (Пришахтинск, Сұрыптау) және Абай ауданының 29 мектебінен 306 оқушы қатысты. Колледж оқытушылары мектеп оқушыларын оқу орнының материалдық базасымен, мамандықтардың түрлерімен және колледжге түсу ережелерімен таныстырды. Кәсіби сынамалар интеллектуалды ойын, тәжірбие негізінде көрсетілген мастер-класстар, викторина және әңгімелесу негізінде өтті. Жүргізілген іс-шара оқушылардың қызығушылығын оятып, екі жақтан да кері байланыс орнады. Оқушылар белгілі бір мамандықты танып қана коймай, студенттік өмірдің алғышарттарымен де танысты.
Ұйымдастырылған іс-шаралар оқушыларға болашақ мамандықты таңдауға және сапалы білім алуға көмектеседі!
Біз сіздерді колледж студенті атануға шақырамыз!
